पाऊस आणि मी

पहिला पावसाचा तो टपोरा थेंब..तो अलगद स्पर्श..
त्या थेंबातून डोकावलेला तो धनु आणि माझ्या सोबतची तू ..
खूप छान वाटत...

थेंबांचा तो आसुसलेला आवाज..त्यतली ती आतुरता..
त्या आवाजाला साजेशी ती किलबिल आणि माझ्या गाण्यातली तू..
खूप छान वाटत...

सरींचा तो ओलावा...त्याचा तो तांबूस रंग..
त्या रंगाकडे खेचणारा तो सुगंध आणि माझ्या जाणिवेतली तू..
खूप छान वाटत...

सरींचे थेंब आणि थेंबाचे तळे ...त्याची ती स्तब्धता..
त्या स्तब्ध्तेतली ती उत्कटता आणि माझ्या आठवणीतली तू..
खूप छान वाटत..

पाणावलेल्या वाटा..वाटांची ती वळणे..
त्या वळणांवरच्या त्या पाऊलखुणा आणि माझ्या डोळ्यातली तू..
खूप छान वाटत...

हा पहिला वर्षाव...त्या वर्षावाची ती ओढ..
या ओढीच्या त्या मनदार खुणा आणि माझ्या स्वप्नात जपलेली तू..
खरच खूप खूप छान वाटत..

निखिल

पहिला पाउस

पाऊस आशेची तहान, तहानलेली आस..
आशेचे थेंब आणि थेंबांच्या सरी..
हा पहिला पाऊस सुखावतो....

जिवांची मैत्री, मैत्रीच्या भावना..
भावनांचे प्रेम आणि प्रेमाचा वर्षाव..
हा पहिला पाऊस हिणवतो...

काळाचा पडदा, पडद्यामागील आठवणी..
आठवणींच्या वेली आणि वेलींचा फैलाव..
हा पहिला पाऊस वेडावतो.....

पहिला स्पर्श, स्पर्शाची ती आपुलकी..
आपुलाकितली माया आणि मायेची गुंफण..
हा पहिला पाऊस खुणावतो....

हातातला तो हात, डोळ्यातले ते डोळे..
गालावरचे ते ओघळ आणि त्या ओघळातला मी..
हा पहिला पाउस गुंतवतो....

जीवांचा दुरावा,दुराव्यातली उणीव..
उणीवेची जाणीव आणि जाणीवेचा तो प्रत्येक क्षण..
हा पहिला पाऊस...पाणावतो.

निखिल