एक रम्यशी संध्याकाळ तुझ्यासोबत साठ्वावीशी वाटते

First of Rains 2015

एक रम्यशी संध्याकाळ तुझ्यासोबत साठ्वावीशी वाटते

हि मोहक दवथेंबे, ह्या हिरवळीवरच्या सुंदर टिकल्या

धुसरशी ती पहाट आणि हि मोकळी पाउलवाट

मला हि सकाळ तुझ्यासोबत फुलावावीशी वाटते

एक रम्यशी संध्याकाळ तुझ्यासोबत साठ्वावीशी वाटते

हा ढगाळलेला आसमंत, ह्या आगंतुक सरी

ह्या ओशाळलेल्या सावल्या आणि मातीचा सुवास

मला हा पाउस तुझ्यासोबत भिजवावासा वाटतो

एक रम्यशी संध्याकाळ तुझ्यासोबत साठ्वावीशी वाटते

ह्या उंचच उंच लाटा, किनाऱ्यावर त्यांचे आदळणे

त्यांची ती भेटीची लगबग आणि ती क्षणिक भेट

मला हा क्षण तुझ्यासोबत साठवावासा वाटतो

एक रम्यशी संध्याकाळ तुझ्यासोबत साठ्वावीशी वाटते

मंद गार वारा , पहुडलेली तीच वाट

किरणांची ती धुंद छटा, आणि हा एकांत

हि संध्याकाळ तुझ्यासोबत रंगवावीशी वाटते

एक रम्यशी संध्याकाळ तुझ्यासोबत साठ्वावीशी वाटते

हीच ती किनार, हिच ती वेळ

अचानकचाच हा रणरणता पाउस आणि बाजूचा कल्लोळ

तुझ्या येण्याची चाहूल आणि तुझे नसणे

हि जाणीव मला हरवावीशी वाटते

एक रम्यशी संध्याकाळ तुझ्यासोबत साठ्वावीशी वाटते

माझ्या आठवणीतली तू, तुझ्या आठवणीतला हा पाउस

ह्या थेंबांचे ओघळणे आणि त्या थेंबांचे बरसणे

हि चिंब भिजलेली नेहमीचीच वेळ आणि माझा विरंगुळा

मला हे सगळे आठवून रमावेसे वाटते

एक रम्यशी संध्याकाळ तुझ्यासोबत…निवांत जगावीशी वाटते

 /-निखिल